സുബ്രഹ്മണ്യ സ്തുതി പാഹിമാം ശ്രീ പാഹിമാം Subramanya Stuti Malayalam Lyrics

പാഹിമാം ശ്രീ പാഹിമാം

ശ്രീ സുബ്രഹ്മണ്യ പാഹിമാം

പാഹിമാം ശ്രീ പാഹിമാം

ശ്രീ സുബ്രഹ്മണ്യ പാഹിമാം

അന്ധതഭവിച്ചു ലോകർ തങ്ങളിൽ കലഹമാർന്ന

അന്തരത്തിൽ ജാതനായ സുബ്രഹ്മണ്യ പാഹിമാം

ആമയങ്ങൾ നീങ്ങുമാറങ്ങായവണ്ണമെപ്പോഴും

ക്ഷേമമോടനുഗ്രഹിക്ക സുബ്രഹ്മണ്യ പാഹിമാം

നിന്തിരുവടിയുടെ പാദാരവിന്ദമെപ്പോഴും

അന്തികേ കാണായ്വരിക സുബ്രഹ്മണ്യപാഹിമാം

നിഷ്കളങ്കൻ നിരാമയൻ നിരഹങ്കാരമൂർത്തി നീ

നിർമ്മലൻ നിരൂപമൻ ശ്രീ സുബ്രഹ്മണ്യപാഹിമാം

ഐഹിക സുഖം വെടിഞ്ഞു ലോകരക്ഷ ചെയ്യുവാൻ

മഹിയിൽ വന്നു ജാതനായ സുബ്രഹ്മണ്യപാഹിമാം

അമ്മയോടുമച്ഛനോടും പിണങ്ങിയങ്ങുപോയതു

പഴനിയിൽ വസിച്ച ദേവ സുബ്രഹ്മണ്യ പാഹിമാം

പുണ്യഭൂമിയായ നല്ല പഴനിമല തന്നിലായ്

കോവിലങ്ങു തീർത്ത ദേവ സുബ്രഹ്മണ്യപാഹിമാം

ഭാരതാംബ തന്റെ ദിവ്യ പുത്രനായ് ജനിച്ചൊരു

ഭാരമകറ്റി ലോകരക്ഷ ചെയ്ത ദേവ പാഹിമാം

ദുഷ്ടരെ തുലച്ചു നല്ല ഭക്തരെ രക്ഷിക്കുവാൻ

പഴനിയിൽ വസിച്ച ദേവ സുബ്രഹ്മണ്യപാഹിമാം

നാരാദാദി വാഴ്ത്തീടുന്ന ശ്രീ പഴനി വാസനേ

ശാസ്ത്രവിദ്യ സകലതും പഠിച്ച ദേവ പാഹിമാം

നിത്യവും ഭവാന്റെ പുണ്യകീർത്തനം നിരന്തരം

ഭക്തനായ് പുകഴ്ത്തുവാനാനുഗ്രഹിക്ക പാഹിമാം.